Загадкі-амонімы ад У. Мазго 2

Скажу

Адзін раз слова - 

Мне бачыцца

Аснова,

Скажу другі -

Як блазан

Лятаў на ім

Мюнхаўзен.

Папрасіў я 

Плод у краме,

А даюць

Каштоўны камень,

Не мая

У тым віна,

Калі назва ў іх

Адна.

Паверхня вод

Без хвалявання

Падкажа

Спосаб вышывання.

Пасажырскую павозку

І каманду танка ў войску

З даўніх пор

Абавязкова

Называюць

Гэтым словам.

Тоькі выцягнем

Кружок

Металічны

З гоманам -

Дым вісіць,

Як кажушок,

Угары

Над комінам.

Бо гарыць

Агонь у печы

І ўжо варыцца,

Дарэчы,

Хутка страва

Рыбная,

Вельмі каларыйная.

Падарунак сябруку

Служыць

Назвай бальшаку.

Адгадкі глядзіце далей.



Ядро: 1. Аснова нечага. 2. Гарматны снарад-шар.
Гранат: 1. Плод дрэва. 2. Каштоўны камень.
Гладзь: 1. Роўная паверхня. 2. Спосаб вышывання.
Экіпаж: 1. Павозка. 2. Каманда карабля, самалёта, танка.
Юшка: 1. Засаўка ў коміне. 2. Рыбны суп.
Гасцінец: 1. Падарунак, ласунак. 2. Дарога