Jan 23, 2013

Загадкі на градках



От бабуля важна села
І глядзіць навокал смела.
У зямлю схавала лапаць.
Як зачэпіш – будзе плакаць.
Гэта злосная бабуля
Называецца…
(цыбуля)

У бабулі родны брат
Ласкавейшы быццам,
А да слёз давесці рад,
Так, як і сястрыца.
Сам сабе наўме панок,
А прасцей сказаць…
(часнок)

З вусамі, а не стары.
Зайздросныя вочы.
За што-небудзь на двары
Учапіцца хоча.
Хопіць хітрасці на трох,
Ну, на тое ж ён…
(гарох)

Не сыдзе з месца
Ні на крок,
Зарыўшыся ў пярыну.
Цярэбіць ціхі вецярок
Ягоную чупрыну.
А возьмуць за чупрыну
Ды выцягнуць з пярыны –
Пачырванее, нібы рак.
Вядома, хто гэта…
(бурак)

3 коммент.:

Mati said...
This comment has been removed by the author.
Mati said...

Мой блог: nashajabelarus.com

Unknown said...

а ў мяне Вашая старонка не адчыняецца ))) Ужо вельмі доўга, дарэчы.

Post a Comment

 

Copyright © Беларускія загадкі. Template created by Volverene from Templates Block
WP by WP Themes Master | Price of Silver