Школьныя рэбусы

Адгадкі глядзіце далей.

Расшыфруй цытату Максіма Танка

77 05 58 69 16 70 27 33 70 69 21 02 69 77 69 02 86 46 69 50 39 50 59 78 59 85 37 ,

77 05 58 69 16 39 86 27 70 02 - 70 02 64 33 58 33 70 27 99 16 46 69 33 70 33 99 ,

77 05 58 69 16 58 27 86 69 50 85 69 77 49 11 59 85 37 85 05 16 27 85 69 02 58 27 70 99 69 ,

77 05 58 69 16 11 02 99 33 85 86 11 49 70 99 85 37 50 33 99 69 77 86 85 78 27 70 99 16 .

Расшыфруй цытату Анатоля Вялюгіна

70.14 50.02.41.27.39.50.37.11.02 63 70.02.59.62.02.39.90.02.11 16.85.02.33.11 ,

46.14.86.02.39.02.50 27 70.33.50.11.70.05.70.33 90.86.02.16.14 ,

70.02.59.02 39.05.86.46.02.14 16.05.85.02 .

Загадкі пра птушак

Землю дзюбаю рыю,

Быццам дом будую -

Чарвячка шукаю ў рот!

Адгадалі, хто я?

Ляцеў птах цераз дах, сеў на варотах у чырвоных ботах.

Лысенькая кабылка

Гліны навадзіла,

Хатку збудавала,

Сама жыць не стала. 

Хапаткія ў мяне крылы,

Хвосцік востры, нібы вілы,

З гліны я гняздо ляплю,

Мошак на ляту лаўлю.

Шапачка маленькая,

Камізэлечка нятканая,

Кафтанік рабенькі,

Ды ходзіць босенькі.

За ўсіх птушак ён чарней,

Чысціць поле ад чарвей.

Адгадкі глядзіце далей.

Крыптаграма па літаратуры

 Па аўтары ўзнавіце радкі вядомага беларускага твора.

Расшыфруй цытату Якуба Коласа

Спщгяу тпькя — йддя рудояю юсыгўхя, рсхя ёюпвю бю рхыгяпь фыыххп ў ююэёвчы гят тшуд.

(Ёкця Мпэят)

Загадкі з лічбамі. Ч. 5

Тысяча братоў адным поясам падпаясаны.

У адной лыжцы двайное цеста.

У адным доме сотні жыхароў, а сям'я адна.

Сям'я душ трыста і багата, ды ўсяго два локці хата.

У малой свінкі тры спінкі.

У мацеры дваццаць дзетак ды ўсе дзеткі адналеткі.

Чатыры браты, а бароды назад.

Шэсць ног, ды без капытоў; ёсць рогі, а не бадаецца; чорны, а не воран; ёсць крылы, а не птушка.

Адзін вол выпіў вады дол.

Адзін пастух пасе тысячу авечак.

Адно бяжыць, а другое ляжыць, а каб усталі, то і неба дасталі.

Два браты ў ваду глядзяць, а разам не сыходзяцца.

Адгадкі глядзіце далей.

Крыптаграма па літаратуры

Расшыфруйце радкі верша народнага паэта Беларусі.
Падказка: 12=і, 13=д.

Крыптаграма па літаратуры

Ніжэй зашыфраваны радкі вядомага беларускага верша. Паспрабуйце свае сілы ў крыптаграфіі і ўзнавіце радкі верша.

Падказка: 19=п.

Націсніце на малюнак, каб убачыць яго ў поўным памеры.

Загадкі з лічбамі. Ч.4.

Увесь лес роўны, а дзве сасоначкі вышэй.
У хаце чатыры, а на дварэ восем.
Чатыры нагі, а не звярушка, многа пер'я, а не птушка.
Адным цветам зімой і летам.
Адзін кажа: пабяжым; другі кажа: паляжым; трэці кажа: пастойма і паківаймася.
Адзін лье, другі п'е, трэці расце.
Два бодні, чатыры паходні, сёмае махала.
Два слухаюць, два нюхаюць, чатыры стукаюць, семсот свішчуць.
Двое свецяць, чацвёра сцелюць, а адзін лажыцца спаць.
На коліку сем саколікаў і кожны ў капоце.
Пад адным калпаком семсот казакоў.
Сам дзядок нізак, ды мае сто рызак.
Семдзесят адзёжак і ўсе без засцёжак.
Семсот муляроў змуравалі дом без вуглоў.
Семсот сарочак, семсот намётак, а як выйдзе вон - дык бок гол.

Адгадкі глядзіце далей.

Загадкі з лічбамі. Ч.3

Два кальцы, два канцы, пасярэдзіне цвік.

Дзве галачкі сядзяць на адной палачцы.

Дзве сястрыцы сцюдзёным малачком мыюцца.

На адной яме сто ям.

На адным месцы крыжоў дзвесце.

На адным паваду сто каней павяду.

Пад адным капелюшом чатыры браты жывуць.

Першы канец у жываце, а другі на верхнім кальцы; каб першы канец дастаць, трэба ўсе кольцы зняць.

Раве вол на сем сёл.

Семсот варот - адзін уваход.

Сотні братоў звязаны, адным поясам падпяразаны.

Сто гасцей - сто пасцель: кожнаму госцю свая пасцель.

Тры браты пайшлі на раку купацца, двое купаюцца, а трэці на беразе валяецца.

Адгадкі глядзіце далей.

Загадкі з лічбамі. Ч.2

Трое жывуць, скуру дзяруць, голымі пускаюць. Хто адгадае?

Тры браты на адным кані па белым полі едуць.

У адной пуні ды сем варот.

У адной яме сем ям з ямай.

У адным клубочку ды сем дзірачак.

У дзвюх матак па пяці хлапчанятак, кожнаму сыну адно імя.

Чатыры чатырнічкі, пятая падушачка, шостая жывушачка.

Шэсць ног, дзве спіны і адна галава.

Шэсць дзён гуляе, а сёмы спявае і торбу грошай бярэ.

Адзін кажа: мне зіма лепей; другі кажа: мне лета лепей; трэці кажа: мне ўсё роўна.

Адна матка дванаццаць сыноў мае і на ўсіх націскае.

Адна палка ў дзвюх печах гарыць.

Бегла хлопцаў дваццаць пяць, прыйшла вясна - сляды знаць.

Дзве сястры адна на адну глядзяць, а разам не сыдуцца.

Два браты ўцякаюць, а два даганяюць, але ж ні пярэднія не могуць уцячы, ні заднія дагнаць.

Два браты ідуць у мора купацца.

Два ваўкі бягуць, на неба глядзяць.

Адгадкі глядзіце далей.

Загадкі з лічбамі. Ч.1

Адзін гаворыць, двое глядзяць, двое слухаюць.

Адзін чытае, двое паглядаюць, двое слухаюць, адзін нюхае.

Гаршчок разумны, хоць сем дзірак мае.

Два браты родныя праз мяжу жывуць, адзін аднаго думкі ведаюць, ды ніколі не бачацца.

Два кані, а чатыры хвасты.

Два стаяць, два ляжаць, пяты ходзіць, шосты водзіць.

Дзесяць ног, шэсць вачэй, тры галавы ў адзін бок.

Дзесяць пальцаў, а ногцяў няма.

Зранку ходзіць на чатырох нагах, удзень - на дзвюх, а ўвечары - на трох.

Зямля белая, насенне чорнае, пяцёра аруць, двое глядзяць, адзін кіруе.

Ішоў з двара, бачыў звяра: шэсць ног, адзін хвост, дзве галавы.

Ішоў, ішоў - дзве дарогі знайшоў і ў абедзве пайшоў.

Паміж двух свяціл я пасярэдзіне адзін.

На хадулях дзве махалкі, над махалкамі зявалка, над зявалкай два калодцы, над калодцамі дзве міргалкі, над міргалкамі пералесак, за пералескам чыстае поле, а за тым полем лес.

Пяць пунь - адны вароты.

Пяць авечак стажок скубуць, а пяць дарожкай бягуць.

Пяць братоў у адну ноч нарадзіліся, і ўсе з адным імем.

Адгадкі глядзіце далей.

Гульня "Адшукай пісьменніка!"

Анлайн-віктарына да Міжнароднага дня роднай мовы

Прапануем усім жадаючым адказаць на пытанні нашай віктарыны.

Загадкі-задачы ад Уладзіміра Мацвеенкі

Ясік

На рыбалцы быў,

Трошкі

Рыбы налавіў.

Першым

Трапіў на кручок

Невялікі шчупачок.

Ды праз час кароткі

Па чарзе тры плоткі.

А затым на глыбіні

Клюнулі два акуні.

І апошнім быў карась.

Колькі ўсіх прынёс нам Ясь?

Бачылі, вы, дзеткі, Жэню?

Жэня з'ела ягад жменю -

Дзве адразу, тры і пяць,

Потым разам дваццаць пяць.

Гэтулькі ўмясціла жменя.

Колькі ягад з'ела Жэня?

Мікола і Толя

Статак гналі ў поле:

Шэсць авечак, пяць бычкоў

І чатырнаццаць кароў.

Колькі ўсіх жывёл

У поле

Выгналі

Мікола й Толя?

Днём вавёрка

Скок з сучка

І знайшла баравічка.

Потым каля сцежкі

Хоп! - дзве сыраежкі.

А пасля лісічкі, 

Нібы тры сястрычкі.

Колькі ўсіх грыбкоў было

Перанесена ў дупло?

Адгадкі глядзіце далей

Блог "Беларускія прыказкі" пераехаў!

Шаноўныя чытачы!

У сувязі з тым, што на блог "Беларускія прыказкі" пачалася рэфспам-атака, ён быў вымушаны пераехаць на новы адрас. Спадзяюся, што вы зразумееце гэтыя дзеянні і далей будзеце чытаць блог. Вельмі прашу не заходзіць на стары адрас: ёсць магчымасць нешта прынесці сабе на камп'ютар ці тэлефон. 

Новы адрас: http://belprykaz.blogspot.com/

Вы таксама можаце патрапіць на новы адрас па малюнку, што ўнізе.

Спасылкі на правай бакавой панелі я ўжо выправіла, там таксама можна націскаць.

Рэбусы "Птушкі"

Адгадкі глядзіце далей

Загадкі ад Рыгора Барадуліна

Ён. Яна. Яно. Яны

Дом свой

Кожны хоча мець —

Кот, сабака i мядзведзь.

I малому i старому

Хочацца хутчэй дадому,

Бо жывуць там з даўніны

Ён,

Яна,

Яно,

Яны.

Вісіць яна,

На ёй вісяць,

Ніхто не прапануе: сядзь.

Для вопраткі пацешалка,

Яна завецца

(вешалка).

І гарыць іне згарыць,

Можа пець ігаварыць,

Мае пільны

Позірк-вызар,

Ён завецца

(тэлевізар).

Падказкі-загадкі ад Рыгора Барадуліна

Жывуць і ў лесе,

І ў бары

Звяры,

Яны гаспадары

Імшарынаў, сцяжынаў,

Нораў,

I ў кожнага

Свой спрыт i нораў.

Пра некаторых,

Як загадкі,

І гэтыя

Падказкі-згадкі.

Жыве не ў будцы на двары

Сваяк сабачы,

Аў нары.

Яму ў бары

Свой кожны сук,

Але таіцца звык

(барсук).