Загадкі ад Міхася Пазнякова 4

Сябры, пабраўшыся за рукі,

Вядуць усіх нас да навукі.

Яны - у кнізе, у газеце,

І іх павінны ведаць дзеці.

Разумная, добрая, шчырая,

Стварае яе чалавек.

Дарогу да ведаў адкрые нам,

Сяброўкаю стане навек.

Выраслі на градцы

Сакаўныя братцы.

Доўгія, шурпатыя,

Вітамінаў шмат у іх.

Прысеў пад плотам

Рыжы кот.

Павесіў доўго хвост

На плот.

Белыя берэцікі,

Залатыя тварыкі.

Іх між траў прыкмеціце -

Ззяюць, як ліхтарыкі.

Што за дзіва?

Па вадзе

Дождж

Нагамі ўверх ідзе.

Тупацеў па хаце ён,

Нібы гэта бегаў слон.

Малачка затым напіўся

І за лаву закаціўся.

Хто апрануў сябе

І дзетак

У кашулькі

З залатых манетак?

Нам патрэбная ў ядзе

Гэта беляніца.

Нарадзілася ў вадзе,

А вады баіцца.

Адгадкі глядзіце далей



Літары, кніга, агуркі, гарбуз, рамонкі, фантан, вожык, карп, соль.