Загадкі пра птушак

Землю дзюбаю рыю,

Быццам дом будую -

Чарвячка шукаю ў рот!

Адгадалі, хто я?

Ляцеў птах цераз дах, сеў на варотах у чырвоных ботах.

Лысенькая кабылка

Гліны навадзіла,

Хатку збудавала,

Сама жыць не стала. 

Хапаткія ў мяне крылы,

Хвосцік востры, нібы вілы,

З гліны я гняздо ляплю,

Мошак на ляту лаўлю.

Шапачка маленькая,

Камізэлечка нятканая,

Кафтанік рабенькі,

Ды ходзіць босенькі.

За ўсіх птушак ён чарней,

Чысціць поле ад чарвей.

Адгадкі глядзіце далей.

1. Кураня. 2. Певень. 3. Ластаўка. 4. Ластаўка. 5. Верабей. 6. Грак