Загадкі-амонімы ад У. Мазго

Чым можна

Гальштук завязаць

І хуткасць суднаў

Вымяраць?

Што за кольца

З хлебнай крамы

Я нясу дамоў

Да мамы

І кручу над галавою,

Быццам кола рулявое?

На адной

Здавён іграюць,

Другой

Зерне ачышчаюць.

Бок самалёта

Ці баркаса

І разнавіднасць

У алмаза.

Без падказкі

За мінутку

Назавіце

Від абутку - 

І міне адразу мель

Невялікі карабель.

Мясціна гэтакая, дзе

Вятрам адкрыты бок,

І для бяспекі на вадзе

Сігнальны паплавок.

Маша

Кашу спажывае,

Ціха

Птушачка спявае.

Што за птушка,

Што за каша -

Слова гэтае

Падкажа.

Адгадкі глядзіце далей.



Вузел: 1. Месца, дзе завязаны канцы. 2. Адзінка вымярэння хуткасці судна.
Абаранак: 1. Булачны выраб. 2. Рухавое кола.
Арфа: 1. Музычны інструмент. 2. Сельскагаспадарчая машына.
Борт: 1. Борт судна ці самалёта. 2. Разнастайнасць алмаза.
Бот: 1. Від абутку. 2. Невялікае судна.
Буй: 1. Высокае, адкрытае месца. 2. Сігнальны паплавок.
Аўсянка: 1. Аўсяная каша. 2. Пеўчая птушка.