Транспартныя сродкі і дарога

Як прывяжаш - ён бяжыць. 

Як адвяжаш - ён стаіць. 

(Тралейбус) 

Дом па вуліцы бяжыць, 

Дом падэшвамі шуміць. 

Лічыць кожную хвілінку, 

Падбягае да прыпынку, 

Забірае жыхароў 

Ды бяжыць наперад зноў. 

(Тралейбус) 

Хоць ляжыць, але працуе,

Дзень і ноч не спіць, шчыруе.

(Дарога.)

Два браты ўцякаюць,

Два — іх даганяюць.

Толькі як там ні імчацца,

За братамі не угнацца

(Колы машын.)

Цягнецца нітка, а ў клубок не зматаць.

(Дарога.)

Без языка, без рук —

Вачыма размаўляе.

Чырвоным супыняе рух,

Зялёным — дазваляе.

(Святлафор.)