Загадкі ад Анатоля Клышкі

На конскай пшаніцы

Вісяць завушніцы.

Чорных зубоў поўна пашча,

Частуе, частуе, а ты ўсё нашча.

Зацемку-загадку

Адгадайце вы:

З галавой ніжэйшая,

Чым без галавы.

Што за навінка:

Пад елкай вырасла сланінка!

У якой малечы

Калені вышэй за плечы?

Стаіць дзед пры дарожцы,

Усім чапляе па брошцы.

Твой сябар блізкі:

Сядзіць - высокі,

А ўстане - нізкі.

Адгадкі глядзіце далей.



Мяцёлкі аўса
Сланечнік
Падушка
Грыб
Камар
Дзядоўнік
Сабака