Неба, зоркі, месяц

1. Сіняя пасцілка ўвесь свет накрыла.
2. Кругленька, бяленька, усяму свету міленька.
3. Вісіць сіта круглавіта, залатое, навітое.
4. У горадзе-гарадзе плыве талерачка на вадзе.
5. Глянеш - заплачаш, а ўсе яму рады.
6. Ходзіць кура-жаўтушка па сене і не шастае.
7. Мяту, мяту - не вымету, нашу, нашу - не вынашу, я пара прыйдзе - само яно выйдзе.
8. Што гэта за вочы: адно свеціць ўдзень, а другое - уночы?
9. Сястра да брата ў госці ідзе, а брат ад яе хаваецца.
10. На паляне сіняй пасецца конь сівы. 
11. З высокай дарогі глядзіць бычок крутарогі.
12. Поле ня мерана, авечкі не лічаны, пастух рагаты.
13. Пасцялю дарожку, насыплю гарошку, акрайчык хлеба пакладу.
14. Разаслана пасцілка, на пасцілцы рассыпаны сярэбраны пясочак, а пасярэдзіне залаты кружочак.
15. На полі Ярох рассыпаў гарох, стала світаць - няма чаго збіраць.
16. Каціліся каточкі па ліпавым масточку, як убачылі зорку, дык шмыг у норку.

АДГАДКІ:




1. Неба
2. Сонца
3. Сонца
4. Сонца
5. Сонца
6. Сонца
7. Сонца
8. Сонца і месяц
9. Сонца і месяц
10. Месяц
11. Месяц
12. Неба, зоркі і месяц
13. Неба, зоркі і месяц
14. Неба, зоркі і месяц
15. Зоркі на небе
16. Зоркі на небе перад світаннем