Крыжаванка "Садавіна і гародніна"

Загадкі-задачы

1. Ляцела сарока, за ёю сарок. Колькі ляцела?

2. Як і цапу, так і лапу, выбілі капу без сараку, без петаку, без пятнаццаці снапоў. Колькі яны змалацілі?

3. Стаяла хата, а ў хаце было сем акошак, а на кожным акошку сядзела сем кошак, а ў кожнай кошкі было па сем кацянят. Колькі ва ўсіх іх было ног?

4. Дзве дачкі, дзве матулі і бабулька з унучкай. Колькі ўсіх?

5. Ішоў брат з сястрою і муж з жаною, знайшлі тры сыры. Як яны падзялілі?

6. Запалілі дзве свечкі, адна патухла. Колькі засталося?

7. Несла гаспадыня ў кошыку 10 яек, а дно ўпала. Колькі засталося?

8. Сядзяць кошкі, супраць кожнай кошкі па тры. Колькі было разам?

Адгадкі глядзіце далей

5 загадак пра стравы ад Алены Церашковай

Закуска
У свінні яго немала.
Я вазьму сабе кавалак.
Каб закуску згатаваць,
Засталося мне дадаць
Палавінку слова ТАТА –
І гатовая…

Першая страва
Я ў свой рондаль пакладу
Лес хваёвы. І пайду
На градзе нарэжу шчаўя
І дзве літаркі прыбаўлю.
Ці не цуд? Анягож!
Налівай чырвоны …

Другая страва (гарнір)
Мы сярэдзінку цыбулькі
і пачатак ад бабулькі
Мылі, потым абіралі,
На скрылёчкі наразалі,
На патэльню высыпалі
Ды алеем палівалі.
Вы нашу страву адгадалі?

Другая страва
Конь мой спрытны – самакат -
Даў мне свой апошні склад.
А надалей пойдзе ў нас
Самы лепшы ў годзе час.
Солім, перчым, смажым гэта –
Атрымалася …

Трэцяя страва
Што я толькі ні рабіў,
А яго я не здабыў.
Браў бялюткае палена
І ламаў цераз калена…
Абцярэбліваў галінкі
Ў выціскальную машынку…
Што ж я так хацеў зрабіць?
Як я мусіў паступіць?

Адгадкі глядзіце далей

Загадкі пра жывёл і птушак ад Ніла Гілевіча

Шустранькі,

Маленькі,

Сам у шэрай світцы

Шукае канапелькі,

Каб трохі пажывіцца.

Домік,

Поўненькі дабра,

Доўга

Быў без жыхара,

А жыхар як паявіўся -

Домік

Тут жа разваліўся.

Лясной сцяжынкай, 

Дзе густыя шаты,

Працаўнічок

Спяшаецца дахаты,

Яго амаль і не відаць,

Малога,

А цягне - болей

За сябе самога.

Лупавокая Матруна -

Вечна мокрая макруня,

Ды пакуль не стане пець -

Яшчэ можна і сцярпець,

А як песню завядзе -

Няма радачкі нідзе!

Хоць ты вушы затыкай

Ці за тры вярсты ўцякай.

Удзень адпачывае,

Забіўшыся дзе ў хвойнік,

А ноччу выгукае,

Нібы які разбойнік, -

Папаляваць ён любіць,

Калі ўсім іншым спіцца,

Яго баяцца людзі,

А ён людзей баіцца.

Чатыры хадуны - 

Каб чабаткі таптаць,

Чатыры цвыркуны -

Каб дзецям радасці даць,

А вілы прад сабою -

Усім звярам на страх.

А ззаду - мухабой:

Хлясь - мах!

Хлясь - мах!

Хлясь - мах!

Адгадкі глядзіце далей.

Рэбус "Беларускія рэкі"

Адгадкі глядзіце далей

Загадкі пра катоў і сабак

Ляжыць на сене, сам не есць і другім не дае.

З людзьмі сябруе, хату вартуе, жыве пад ганкам, хвост абаранкам.

У хаце пірагом, на дварэ абаранкам.

Двое свецяць, чатыры сцелюць, адзін лажыцца.

Сядзіць на печы, заплюшчыўшы вочы.

Выйшла пані сямірута, убачыла мігірута, носам, мігіросам, а мігара - хоп!

Лёг вусаты, устаў гарбаты.

Каціўся клубочак, за клубочкам - торбачка, за торбачкай - нітачка.

Калматы, вусаты, есці пачынае, песенькі спявае.

Па хаце ходзіць, шастом водзіць.

Гаспадар на гумно нясецца, а за ім жардзіна трасецца.

Адгадкі глядзіце далей.

Загадкі пра расліны ад У. Карызны

Загадкі пра неба ад Ніла Гілевіча

Бычок крутарогі

Ідзе без дарогі.

У лесе не трэсне,

На плёсе не ўсплесне.

Праз возера скочыць - 

Капытоў не намочыць.

Чорнае сукно

Лезе праз акно.

На полі аксамітавым

Чароўнае пісьмо:

Сярэбраныя літары

І пішацца само.

Удзень яно хаваецца,

Увечары відаць,

А хто з вас пастараецца,

Той зможа прачытаць.

Столь

Без бэлек і без дошак,

Высака над намі,

Збіта ўпоперак

і ўдоўж

Белымі цвікамі.

Адгадкі глядзіце далей